قرأت قصه واود ان اسميها ( نصيحه ) فهي نعم النصيحه التي تجعل الشخص يتطلع دائما للامام ويمحي غبار التخلف ويمضي قدما للمستقبل الذي سيكون مشرقا اذا اتبعناها .. يا اخي لا تنظر الي الخلف خاصه واذا مرت عليك الازمات والشدائد ... هذه اسم (النصيحه )
انثر الغبار بعيدا وامضي قدما ... لانه سيعطل طريقك
فى يوم رفع المحاضر فى احدي المحاضرات 500 جنيه وقال من يريد هذه .. فرفع الكثير من الطلاب ايديهم .. وقال ساعطيها لواحد منكم ولكن بعدما افعل هذا ,ثم رفعها عالياااا وقال .. من يريد هذه : ؟ رفع الطلاب ايديهم مره اخري ثم قال وماذا ان فعلت هذا .. ثم وضعها داخل قبضه يده واصبحت الورقه مكرمشه كل هذا ومازالت يديه عاليه ثم سأل الطلاب من منهم مازال يريدها فرفع الطلاب ايديهم مره اخري ثم ثم قال وماذا لو فعلت هذا ثم القاها على الارض وسحقها بقدمه ثم سألهم من منكم مازال يريدها .. وهنا قال ارجو ان تكونوا تعلمتم درسا قيما مهما فعلت بالنقود مازلتم تريدونها لان لم تنقص من قيمتها الحقيقه فهمي مازالت خمسمائه جنيها .......
ففي مرات عديده نسقط على الارض وننكمش حينا على انفسنا ونتراجع بسبب القرارات التي اتخذناها او بسبب الظروف التي تحيط بنا فنشعر حينها بانه لاقيمه لنا .... فالانسان ذو القيمه العاليه يعرف قيمته جيدا ويعرف انه شخص مميز ... ويجب الا ننسي ذلك ابدا ووندع خيبات امال الامس تلقي بظلالها على الغد ..... وهذه كانت القصه التي ساقراها دوما حينما اتحسس غبار الشدائد والمصائب !!!!

ان تنظرالى عين طفل هو اروع احساس يمكن ان تشعر به فالاطفال فى نظري هم ملائكه صغار لا يعلمون شيئا عن العالم من حولهم سوي أمه التي يحتضنها والتي هي بالنسبه له كل العالم بأسره ..وابيه الذي سرعان ما يتعلق بالطفل وينظر الى عين الطفل ليجد المستقبل .. من اكثر الاسباب التي جعلتنى انجذب للاطفال .. هو انني انظر دائما الا مدي جمال اعينهم وهدوئها لقد تعلمت الكثير فقط من اجل الاستمتاع بالقراءه عن الطفل فقط لاكون ام المستقبل فلطالما تمنيت ان ارزق بطفل يكون هو مستقبلي وهو عنوانى .. وارجو من الله ان يوفقني ويرزقني به .. ولكن ماذا نعلم عن الاطفال من منا يري طفل وينظر اليه نظره حنان ويبتسم له؟ ؟ من منا لا ينظر الى مدي روعه الخالق ومدي براءه هذا الصغير .. من منا تحدث الى طفل صغير ليجد نفسه يبتسم ؟ ومن منا عامل الطفل بقسوه ؟ فانا احتقر اي انسان ينظر فقط للطفل نظره سيئه لا تعاتب طفلا لا يملك شيئا فى كلماته سوى كلمه ( ماما) ولا يعرف عالما سوي امه ... فاحذر كل الحذر من النظر الى الطفل بنظره البالغ الكاره .. فالطفل امامك لا يعرف شيئا عن كراهيتك ولا يعرف شيئا عن مقدار قسوه قلبك وهناك العديد من الامثله .. هل نتذكر قصه عمربن الخطاب عندما كان يدفن ابنته حيه وهو ما يسمي ب(الوأد ) فى الجاهليه .. وكانت الطفله تبتسم اليه وتنفض التراب من على ملابسه ! هل تتذكرون مثال كهذا لنعرف ان الطفل لا يعلم شيئا فنحن من نصنع شخصيته ونحن من نشكله .. لا اعلم لما كتبت هذا ولكن من موقف قد رأيته وأثر في كثيرا ! ولا اعلم لما ننظر للطفل بعين الكراهيه لمجرد ان انا نكره احد من اسرته او نكره احد من اهله .. انا أري ان الطفل له حقوق وابسط حق له علينا ان ننظر اليه بابتسامه رقيقه لنعلمه ان هذا عالمك انظر! انه عالم هاديء وجميل فلتنعموا به :) ..

محدش فاهم حاجه .. كله فى التلاجه

يوم عادى جدا ويمكن اقل من العادى . كان الجو كويس بس للاسف انا الوحيده اللى كنت حاسه بتلج .. برووووووووود فوق الوصف المهم قولت يمكن الشباك يعني مدخل هوا بارد شويه يعني او يمكن انا نايمه وبحلم .. المهم قولت خلاص انا هاقفل الشقه واشغل الدفايه .. مع ان الجو حلوووو والمفروض انه مايل للحراره وانا حاسه( ببرود تلجي) .. ماعلينا من المصطلح المهم هو المصطلح ده كان عباره عن ان حصلي حاله من التبلد فى المشاعر وفى كل حاجه تقريبا وفقدت الزمن .. المهم قولت اشغل فيلم رومانسي ,, كان الفيلم عباره عن اتنين بيحبوا بعض.. هاتسألونى ماشي وبعدين ؟ هاقولكم حبوا بعض تانى... وبعد ماحبوا بعض الفيلم خلص طبعا واتجوزوا وكل ده وانا قاعده بتفرج على التلفزيون وطبعا كان ارخم وابرد يوم شوفته فى حياتي .. بعدها روحت قعدت مع اخويا وطبعا بسأله ايه يا بني اخبارك ايه وحياتك عامله ازاى بقى ممكن يا كوكي استخدم موبايلك شويه .. وطبعا مسكت الموبايل عشان اعمل مكالمه .. كنت بتصل وفتحت المكالمه وطبعا حسيت ان الموبايل بايظ لاني مش سامعه حاجه قولت هاصبر ومعادتش قدامى غير انى اروح بقى اقعد فى الاوضه واعيش دور الانسانه السلبيه اللى قاعده كده مستنيه ان الملل والبرود يروح... بصوا انا اتخنقت من المدونه البادره دي .... سلام

بالسلامـــه يلا

كان الوقت متأخر الى حد ما والجو برد جدا وطبعا كنت عامله كوبايه الشاي المؤدبه المحترمه وقاعده فاتحه النت ومزاجى يعني اقدر اوصفه انه زيروو مفيش مش طايقه اى حد خالص وقاعده وفاتحه الايميل وبتفرج عليه كده مفيش اى هدف ولا حتي بخطط انى اتكلم مع حد وقومت خابطه النك نيم المـــتين اللى يبين فعلا انى مخنوقه جدا ومش فارق معايا حد .. وشويه وسمعت صوت حد بيزعق ؟! انتوا يابني ادمين ياللى تحت اقفلوا التسجيل ده شويه ببص لقيت ميين لقيت عنتر !! طلعت قولتله ايه يا عنتر انت لسه عايش ؟ اشوف فيك يوم يا أخي انت مبتتهدش ابدا .. ؟ قالى مالك مالك فى اييه شكلك عامله جريمه قولتله هو طول مانت عايش هاقدر ارتاح نفسيا ده انت من ضمن الحجات اللى خنقاني ؟ ! قالى انا ؟ طيب صبرك عليا انا هابعتلك اختي فتكات قولتله ابعتلى انشالله وزير الداخليه وانا هاعملك اييه عشان يعني اختك دي ربنا مديلها الصحه شويه هاتفتري على خلق الله !

قالى لالالا ده انتي شكلك زعلانه اوى قولتله اه يا عنتر والله بس مش زعلانه من حد معين و و .. ولسه بكمل قالى بس بس انا جاى اشوف في ايه .. هاتى كوبايه الشاي اللى فى ايدك دي وياريت بقى المره دي تدوقيني الكيك اللى مامتك عملاه .. قولتله طيب وروحت اجيبله الكيك وانا مخنوقه اوى مش منه لا من كل حاجه وجبتكه الكيك وقعدنا قدام المكتب بتاع الكمبيوتر .. وقالى احكي بقى مالك ؟ قولتله والله يا عنتر انا راجعه من بره النهارده مش طايقه حد خالص وحاسه انـي مخنوقه اوى حتي صاحبتيالوحيده اللى بخرج معاها بقيت احسها متغيره ضحك عنتر وقالى ااااه ههههه قولتله بتضحك على اييه قالى بس كملى قولتله يعني اهو ده حالى والله يا بني منا عارفه اكمل حاجه حاسه انى كل لما اقول خلاص الدنيا بتضحكلي الاقيها بدأت تغيم تانى .. هلاقيها منين ولا منين .. قالى ايواااااااااااااا رجعنا للهبل بقى قولتله هبل ايه يا عبيط انت مانت لو بتحس زي الناس كنت هاتفهمني .. قالى هههههههه زي الناس مين بقى بالظبط قولتله زي الناس الهابله اللى زيك :dعماله تقوليلي الدنيا بتضحك وبتغيم ده انا ناقص اجيبلك جيتار ونعزف هنا لحن الوفا بتاع عبعال الاسمراني وكارهه نفسي وكارهه الناس وشغل الاكتئاب ده يكشي الناس كلها تولع وانت تضحك يا جميل قولتله هاضحك ازاى طول مانت موجود يعني قولى كده ! منك لله
قالى مقبوله منك يا حوبي ..
المهم قولتله بص يا عنتر انا زهقانه اوى اوى وكمان عايزه اخلص دراسه بقى واشوف مستقبلي و..... قالى ايه ده ؟ قولتله ايه؟
قالى ايه القرف ده قولتله في ايـــــــــــــــــــــــــــــــــــــــــه ؟ قالى الشاي ده ناقص سكر يا حجه قولتله مش هارد عليك وهاتها بقى عشان دي مكانتش بتاعتك اصلا
قالى يا ستي بصي هاقولك .. طول مانتى بتشربي الشاي بسكر قليل كده يبقى عمرك ماهاتتبسطي ابدا
قولتله تفتكر يعني هو ده السبب ؟ قالى ايوه لازم السكر يبقى كتتير فى الشاى عشان تعرفي توزني الامور .. قولتله مش عارفه بس انا بحب السكر كده قالى شوفتي بقى يبقى لازم تستحملى اللى هايرجرالك قوللته طيب :(
قالى طيب طيب بس ناوليني والنبي علبه الشيكولاته المتينه اللى على المكتب دي ! الا صحيح انتى مابتاكليش منها قولتله لا مع انها حلوه اوى بس انا كنت بشرب شاى يعني هاكل شاي وشيكولاته هو انا زيك !قالى خلاص احسن وفرتي خليها لحد تانى ولا اقولك نروح بعيد ليه .. ماهى فتكات اختي موجوده ..
قالى ماشي يا حوبي .. بس هاقولك على حاجه انتى اللى قررتي تشربي شاي بسكر قليل ؟! ولا انتوا معندكوش سكر اصلا ! ولا انتى غاويه السكر كده ! ... قومت فاتحه الباب على اخره واتعصبت .. وقولتله اطــــــــــــــــــــلع بره بالف سلامه :d ده انت مصيبه .. خرج عنتر بكل برود وكأن لم يكن وفضل ينده على اخته .. يا فوكا يا فوكي .. خدي الشيكولاته دي طعمها حلو اوى .. !!! وعجبي

هانت ...

هانت .. الكلمه دي اتكررت كتتير اوى معايا فى الفتره الاخيره .. يعني زي ماكون مستنيه حاجه معينه تحصل والوقت اللى انا مستنيه فيه الحاجه دي قرب يخلص .. او مثلا بصبر نفسي على وضع معين ممكن اكون مثلا مش مرتاحه نفسيا وبضطر استخدمها مسكن مثلا !!
زي مثلا الكليه بتاعتى جيت فى الفتره الاخيره وحسيت انى بدأت اتخنق منها يمكن عشان عايزه ابدأ حياه جديده ! او يمكن حابه انى اعمل تغيير دايما للاحسن ومستنيه الفرصه اللى هاغير فيها ووقت الفرصه ده قرب وعشان كده بستخدم كلمه هانت .. عموما يعني انا مش بدعي انى ناجحه 100% ولكن نجاحي عادى الحمدلله واخد نسبه لا بأس بها .بس برضه فى الفتره الاخيره لقيت نفسي محتاجه الناس اللى تدعم النجاح ده يعني ناس من اللى بيتقال عليها ** مخها نضيف ** ناس تعرف توجههني واخد برأييهم مش معني كده يعني انى مش لاقيه النوع ده من الناس لا او انى مش عارفه اوجه نفسي .. بس حسيت قيمه وجودهم فى حياتى وقيمه انى احافظ على استمرار وجودهم فى حياتى يمكن عشان هم اللى هايخلوني اتنقل من كلمه هانت فى موضوع معين لكلمه هانت فى موضوع اكبر واكبر .. بجد معادتش محتاجه اى حد يطلق عليه وصف تافهه او ظاهر عليه التفاهه فى كل تصرفاته وافكاره بنسبه فوق ال60% بقيت رافضه النوع ده من الناس انا اه سعات فى فتره من الفترات ببقى تافهه بس مش تفاهه تتملكني بيبقى فيا حاجه دايما عايزانى ابقى احسن حتي لو مجاتش فرصه انى ابقى مميزه تميز واضح جدا بس فيا حاجه دايما بتخليني كده ** عايزه ابقى احسن واحسن ** فى سلوكي فى اخلاقي فى طريقه تعاملى مع الناس فى احترامي لغيري فى حبي للناس فى تقبلي للرأي الاخر يمكن بستخدم فى ده حيل الدفاع النفسي !! واللى بيستخدمها اى انسان سوي مش عايزه اخصص حيله معينه عشان محدش يفهمني غلط بس عايزه اقول انى بحاول اعمل تقييم لنفسي وبعده تقويم ولكن تقييمي لنفسي يحتمل وجود شيء من الظلم وعشان كده قولت انى محتاجه النوع من الناس غير التافهه انه يقيمني ويقولي على خطوات التقوييم .. وهانت عشان فى حجاات كتتير هاغيرها يمكن مش عاندى الجرأه دلوقت بس هانت .. وهانت وهانت ... وزمان اللى هايقرا التوبيك بتاعى هايقول هانت برضه :d ان التوبيك يخلص
وسلام ............... اكمل بعديين حواري مع (سين ) من الناس وهاقولكم عليه ..

ممكن يجيلك فى يوم فكره منحرفه او شبه منحرفه وسعات مستطيله او مدوره او حتي مربعه .. هايرد علياعنتر ويقولى وده يطلع ايه ؟ اقول يعني مثلا عمرك مافى مره وانت قاعد كده فكرت تدايق حد؟ او حتي ترخم على حد قالى لا بس فى مره من المرات حبيت ادخل ماتش مصر مع الجزاير ودي كانت اكبر فكره شبه منحرفه بكل المقاييس فكرت اعملها ؟ ...........
قولتله ليه يا عنتر انت كنت بتشجع مين لاسمح الله ؟
بصلي بصه ال يعني مش عاجبه السؤال وقالى مش هارد ... المهم قولتله ليه يا عنتر بس ده انت حبيبي من زمان قالى وانتى شكلك بدأتي تخرفي زي الساعه الواقفه ازاى يعني هاحضر ماتش المنتخب المصري مع الجزائري ومش هاشجع مصر !!!
قولتله معلش برضه الوضع ميسلمش .. مانت ممكن تكون روحت تشجع المنتخب التانى تحت تهديد السلاح ! او هددوك انهم هايخلوك تخلع ساعتك ماهو حصل مع ناس تانيه ..
قالى لاااااااااااااا مش انا اللى يحصل معايا كده قولتله امال مين اللى هايحصل معاه كده قالى شوفي انتى بقى
قولتله طيب يا عنتر سيبك من الموضوع ده وقولى تفتكر مين السبب فى كل ده اديلك اختيارات ؟ قالى اه اديني .. قولتله تفتكر ان السبب
1- ده جمهور ومشجعيين من النوع المجرم اصلا ؟
2- دول فى حد ليه مصلحه من اللى بيحصل ده ؟يعني هم عبد المأمور؟
3- ولا انت متفق بقى يا عنتر من ورايا مع دوله تالته ليها مصلحه ؟؟
بصلى عنتر وقالى ؟ تفتكري انا هاشترك مع الدوله التالته دي لييه طيب هي عايزه تعمل استمثارات جوه البلد وعشان السبب ده حاولت تعمل فتنه ويحصل زي مانتي شايفه بالاستعانه بشويه مجرميين اهم برضه يظبطوا الموضوع واهو بالمره مصر تسحب اوراقها من هناك وتدخل الدوله التالته دي ؟ !!! قولتله الكلام ده خطير يا عنتر حاسب على نفسك .. قاللى صدقيني انا فاهم خليكي انتى بس فى الكليه بتاعتك وسيبك من الكلام بتاع الناس الكبيره ده ..
قولتله بس انا شايفه يا عنتر حاجه اكبر من كده ؟ قالى طيب ماتقومي تعملي بقى كوبايتين شاي ومتنسيش انا بشرب ست سبع معالق سكر
وياريت بقى لو معاكي شويه كحك بقى من بتاع العيد ولا انتى ناويه تأجليه لبعد العيد زي نااس ! قولتله أنا لااالا يا عنتر من عنيا الاتنين
ده انت تأمر بس يا عنتورتي ..
( وادي الشاي عملناه والكحك كمان اهو يا سيدي )
قالى ايوه كده اسمع بمزاج .. قولى بقى كنتي عايزه تقولى ايه
قولتله يا عنتر انا حاسه باللى انت قولته ومقتنعه بيه شويه بس مش عايزه اقولك يا أخي انا مش مرتاحه برضه حاسه ان الموضوع كبير
عنتر قالى طيب وانتى شايفه ان (المأمور ) ده كان ميين قولتله معرفش يا عنتر بس انا من رأيي نروح بقى نقول لأمهم فرنسا ونشوف يعني ماحنا لازم ناخد برأي (ولي الاأمر ) قالى ياااه لسه هانروح فرنسا !!! هو انا فيا صحه
قولتله اه يا عنتر فيك . . وهانروح نشوف حتي الجزائريين هناك بقى واهو بالمره نسأل حد فرنساوي كده من اللى بيتكلم فرنساوي يعني
وناخد رأيه فى اللى حصل
قالى طيب قومي بقى حضري الغدا عشان انا جعت تانى قولتله يادي المصيبه انت مبتبطلش أكل ! قالى وانتى يعني اللى بتبطلى تحلمى بحجاات كبيره اوى وعايزه تاخدي حق المصريين .. روحي بس روحي هاتى اى حاجه تصبيره من المطبخ على مالغدا يجهز !

قطه !؟ أمم ماذا

قطه صغيره الحجم جميله العينين تنظر الى عينيها تشعر شعور وتجذبك بمجرد النظر اليها وتجعلك تشفق عليها ولكن .. ماذا بعد ذلك ؟؟ انها تتسلل مره بعد مره لتكون شيئا يشبه الشبكه فهي تحيط باماكن تحركك من كل الجهات وكلما مر الوقت اكثر تحكم سيطرتها عليك تدخل حياتك وتملأها لتجد فجأه بمجرد النظر الى عينيها انها ليست قطه ولكنها ...........