بالسلامـــه يلا

كان الوقت متأخر الى حد ما والجو برد جدا وطبعا كنت عامله كوبايه الشاي المؤدبه المحترمه وقاعده فاتحه النت ومزاجى يعني اقدر اوصفه انه زيروو مفيش مش طايقه اى حد خالص وقاعده وفاتحه الايميل وبتفرج عليه كده مفيش اى هدف ولا حتي بخطط انى اتكلم مع حد وقومت خابطه النك نيم المـــتين اللى يبين فعلا انى مخنوقه جدا ومش فارق معايا حد .. وشويه وسمعت صوت حد بيزعق ؟! انتوا يابني ادمين ياللى تحت اقفلوا التسجيل ده شويه ببص لقيت ميين لقيت عنتر !! طلعت قولتله ايه يا عنتر انت لسه عايش ؟ اشوف فيك يوم يا أخي انت مبتتهدش ابدا .. ؟ قالى مالك مالك فى اييه شكلك عامله جريمه قولتله هو طول مانت عايش هاقدر ارتاح نفسيا ده انت من ضمن الحجات اللى خنقاني ؟ ! قالى انا ؟ طيب صبرك عليا انا هابعتلك اختي فتكات قولتله ابعتلى انشالله وزير الداخليه وانا هاعملك اييه عشان يعني اختك دي ربنا مديلها الصحه شويه هاتفتري على خلق الله !

قالى لالالا ده انتي شكلك زعلانه اوى قولتله اه يا عنتر والله بس مش زعلانه من حد معين و و .. ولسه بكمل قالى بس بس انا جاى اشوف في ايه .. هاتى كوبايه الشاي اللى فى ايدك دي وياريت بقى المره دي تدوقيني الكيك اللى مامتك عملاه .. قولتله طيب وروحت اجيبله الكيك وانا مخنوقه اوى مش منه لا من كل حاجه وجبتكه الكيك وقعدنا قدام المكتب بتاع الكمبيوتر .. وقالى احكي بقى مالك ؟ قولتله والله يا عنتر انا راجعه من بره النهارده مش طايقه حد خالص وحاسه انـي مخنوقه اوى حتي صاحبتيالوحيده اللى بخرج معاها بقيت احسها متغيره ضحك عنتر وقالى ااااه ههههه قولتله بتضحك على اييه قالى بس كملى قولتله يعني اهو ده حالى والله يا بني منا عارفه اكمل حاجه حاسه انى كل لما اقول خلاص الدنيا بتضحكلي الاقيها بدأت تغيم تانى .. هلاقيها منين ولا منين .. قالى ايواااااااااااااا رجعنا للهبل بقى قولتله هبل ايه يا عبيط انت مانت لو بتحس زي الناس كنت هاتفهمني .. قالى هههههههه زي الناس مين بقى بالظبط قولتله زي الناس الهابله اللى زيك :dعماله تقوليلي الدنيا بتضحك وبتغيم ده انا ناقص اجيبلك جيتار ونعزف هنا لحن الوفا بتاع عبعال الاسمراني وكارهه نفسي وكارهه الناس وشغل الاكتئاب ده يكشي الناس كلها تولع وانت تضحك يا جميل قولتله هاضحك ازاى طول مانت موجود يعني قولى كده ! منك لله
قالى مقبوله منك يا حوبي ..
المهم قولتله بص يا عنتر انا زهقانه اوى اوى وكمان عايزه اخلص دراسه بقى واشوف مستقبلي و..... قالى ايه ده ؟ قولتله ايه؟
قالى ايه القرف ده قولتله في ايـــــــــــــــــــــــــــــــــــــــــه ؟ قالى الشاي ده ناقص سكر يا حجه قولتله مش هارد عليك وهاتها بقى عشان دي مكانتش بتاعتك اصلا
قالى يا ستي بصي هاقولك .. طول مانتى بتشربي الشاي بسكر قليل كده يبقى عمرك ماهاتتبسطي ابدا
قولتله تفتكر يعني هو ده السبب ؟ قالى ايوه لازم السكر يبقى كتتير فى الشاى عشان تعرفي توزني الامور .. قولتله مش عارفه بس انا بحب السكر كده قالى شوفتي بقى يبقى لازم تستحملى اللى هايرجرالك قوللته طيب :(
قالى طيب طيب بس ناوليني والنبي علبه الشيكولاته المتينه اللى على المكتب دي ! الا صحيح انتى مابتاكليش منها قولتله لا مع انها حلوه اوى بس انا كنت بشرب شاى يعني هاكل شاي وشيكولاته هو انا زيك !قالى خلاص احسن وفرتي خليها لحد تانى ولا اقولك نروح بعيد ليه .. ماهى فتكات اختي موجوده ..
قالى ماشي يا حوبي .. بس هاقولك على حاجه انتى اللى قررتي تشربي شاي بسكر قليل ؟! ولا انتوا معندكوش سكر اصلا ! ولا انتى غاويه السكر كده ! ... قومت فاتحه الباب على اخره واتعصبت .. وقولتله اطــــــــــــــــــــلع بره بالف سلامه :d ده انت مصيبه .. خرج عنتر بكل برود وكأن لم يكن وفضل ينده على اخته .. يا فوكا يا فوكي .. خدي الشيكولاته دي طعمها حلو اوى .. !!! وعجبي

هانت ...

هانت .. الكلمه دي اتكررت كتتير اوى معايا فى الفتره الاخيره .. يعني زي ماكون مستنيه حاجه معينه تحصل والوقت اللى انا مستنيه فيه الحاجه دي قرب يخلص .. او مثلا بصبر نفسي على وضع معين ممكن اكون مثلا مش مرتاحه نفسيا وبضطر استخدمها مسكن مثلا !!
زي مثلا الكليه بتاعتى جيت فى الفتره الاخيره وحسيت انى بدأت اتخنق منها يمكن عشان عايزه ابدأ حياه جديده ! او يمكن حابه انى اعمل تغيير دايما للاحسن ومستنيه الفرصه اللى هاغير فيها ووقت الفرصه ده قرب وعشان كده بستخدم كلمه هانت .. عموما يعني انا مش بدعي انى ناجحه 100% ولكن نجاحي عادى الحمدلله واخد نسبه لا بأس بها .بس برضه فى الفتره الاخيره لقيت نفسي محتاجه الناس اللى تدعم النجاح ده يعني ناس من اللى بيتقال عليها ** مخها نضيف ** ناس تعرف توجههني واخد برأييهم مش معني كده يعني انى مش لاقيه النوع ده من الناس لا او انى مش عارفه اوجه نفسي .. بس حسيت قيمه وجودهم فى حياتى وقيمه انى احافظ على استمرار وجودهم فى حياتى يمكن عشان هم اللى هايخلوني اتنقل من كلمه هانت فى موضوع معين لكلمه هانت فى موضوع اكبر واكبر .. بجد معادتش محتاجه اى حد يطلق عليه وصف تافهه او ظاهر عليه التفاهه فى كل تصرفاته وافكاره بنسبه فوق ال60% بقيت رافضه النوع ده من الناس انا اه سعات فى فتره من الفترات ببقى تافهه بس مش تفاهه تتملكني بيبقى فيا حاجه دايما عايزانى ابقى احسن حتي لو مجاتش فرصه انى ابقى مميزه تميز واضح جدا بس فيا حاجه دايما بتخليني كده ** عايزه ابقى احسن واحسن ** فى سلوكي فى اخلاقي فى طريقه تعاملى مع الناس فى احترامي لغيري فى حبي للناس فى تقبلي للرأي الاخر يمكن بستخدم فى ده حيل الدفاع النفسي !! واللى بيستخدمها اى انسان سوي مش عايزه اخصص حيله معينه عشان محدش يفهمني غلط بس عايزه اقول انى بحاول اعمل تقييم لنفسي وبعده تقويم ولكن تقييمي لنفسي يحتمل وجود شيء من الظلم وعشان كده قولت انى محتاجه النوع من الناس غير التافهه انه يقيمني ويقولي على خطوات التقوييم .. وهانت عشان فى حجاات كتتير هاغيرها يمكن مش عاندى الجرأه دلوقت بس هانت .. وهانت وهانت ... وزمان اللى هايقرا التوبيك بتاعى هايقول هانت برضه :d ان التوبيك يخلص
وسلام ............... اكمل بعديين حواري مع (سين ) من الناس وهاقولكم عليه ..

ممكن يجيلك فى يوم فكره منحرفه او شبه منحرفه وسعات مستطيله او مدوره او حتي مربعه .. هايرد علياعنتر ويقولى وده يطلع ايه ؟ اقول يعني مثلا عمرك مافى مره وانت قاعد كده فكرت تدايق حد؟ او حتي ترخم على حد قالى لا بس فى مره من المرات حبيت ادخل ماتش مصر مع الجزاير ودي كانت اكبر فكره شبه منحرفه بكل المقاييس فكرت اعملها ؟ ...........
قولتله ليه يا عنتر انت كنت بتشجع مين لاسمح الله ؟
بصلي بصه ال يعني مش عاجبه السؤال وقالى مش هارد ... المهم قولتله ليه يا عنتر بس ده انت حبيبي من زمان قالى وانتى شكلك بدأتي تخرفي زي الساعه الواقفه ازاى يعني هاحضر ماتش المنتخب المصري مع الجزائري ومش هاشجع مصر !!!
قولتله معلش برضه الوضع ميسلمش .. مانت ممكن تكون روحت تشجع المنتخب التانى تحت تهديد السلاح ! او هددوك انهم هايخلوك تخلع ساعتك ماهو حصل مع ناس تانيه ..
قالى لاااااااااااااا مش انا اللى يحصل معايا كده قولتله امال مين اللى هايحصل معاه كده قالى شوفي انتى بقى
قولتله طيب يا عنتر سيبك من الموضوع ده وقولى تفتكر مين السبب فى كل ده اديلك اختيارات ؟ قالى اه اديني .. قولتله تفتكر ان السبب
1- ده جمهور ومشجعيين من النوع المجرم اصلا ؟
2- دول فى حد ليه مصلحه من اللى بيحصل ده ؟يعني هم عبد المأمور؟
3- ولا انت متفق بقى يا عنتر من ورايا مع دوله تالته ليها مصلحه ؟؟
بصلى عنتر وقالى ؟ تفتكري انا هاشترك مع الدوله التالته دي لييه طيب هي عايزه تعمل استمثارات جوه البلد وعشان السبب ده حاولت تعمل فتنه ويحصل زي مانتي شايفه بالاستعانه بشويه مجرميين اهم برضه يظبطوا الموضوع واهو بالمره مصر تسحب اوراقها من هناك وتدخل الدوله التالته دي ؟ !!! قولتله الكلام ده خطير يا عنتر حاسب على نفسك .. قاللى صدقيني انا فاهم خليكي انتى بس فى الكليه بتاعتك وسيبك من الكلام بتاع الناس الكبيره ده ..
قولتله بس انا شايفه يا عنتر حاجه اكبر من كده ؟ قالى طيب ماتقومي تعملي بقى كوبايتين شاي ومتنسيش انا بشرب ست سبع معالق سكر
وياريت بقى لو معاكي شويه كحك بقى من بتاع العيد ولا انتى ناويه تأجليه لبعد العيد زي نااس ! قولتله أنا لااالا يا عنتر من عنيا الاتنين
ده انت تأمر بس يا عنتورتي ..
( وادي الشاي عملناه والكحك كمان اهو يا سيدي )
قالى ايوه كده اسمع بمزاج .. قولى بقى كنتي عايزه تقولى ايه
قولتله يا عنتر انا حاسه باللى انت قولته ومقتنعه بيه شويه بس مش عايزه اقولك يا أخي انا مش مرتاحه برضه حاسه ان الموضوع كبير
عنتر قالى طيب وانتى شايفه ان (المأمور ) ده كان ميين قولتله معرفش يا عنتر بس انا من رأيي نروح بقى نقول لأمهم فرنسا ونشوف يعني ماحنا لازم ناخد برأي (ولي الاأمر ) قالى ياااه لسه هانروح فرنسا !!! هو انا فيا صحه
قولتله اه يا عنتر فيك . . وهانروح نشوف حتي الجزائريين هناك بقى واهو بالمره نسأل حد فرنساوي كده من اللى بيتكلم فرنساوي يعني
وناخد رأيه فى اللى حصل
قالى طيب قومي بقى حضري الغدا عشان انا جعت تانى قولتله يادي المصيبه انت مبتبطلش أكل ! قالى وانتى يعني اللى بتبطلى تحلمى بحجاات كبيره اوى وعايزه تاخدي حق المصريين .. روحي بس روحي هاتى اى حاجه تصبيره من المطبخ على مالغدا يجهز !

قطه !؟ أمم ماذا

قطه صغيره الحجم جميله العينين تنظر الى عينيها تشعر شعور وتجذبك بمجرد النظر اليها وتجعلك تشفق عليها ولكن .. ماذا بعد ذلك ؟؟ انها تتسلل مره بعد مره لتكون شيئا يشبه الشبكه فهي تحيط باماكن تحركك من كل الجهات وكلما مر الوقت اكثر تحكم سيطرتها عليك تدخل حياتك وتملأها لتجد فجأه بمجرد النظر الى عينيها انها ليست قطه ولكنها ...........

it's my song ** everybody's fool**
واحد من افضل اصدقائي قدمها لي وقال انها تشبهني كثيرا وعجبتني فكرتها وكيفيه اداء المطربه فيها فوجدت الكثيير فيه مايشبهني .. ولكنها حركت مشاعري فعلا ظلت انظر اليها مرارا وتكرارا .. انظر لتلك الفتاه التى بداخل الاطار الخانق فهي تعانى من بعض الضغوط واكثر شي ء وجدته فيها انها تعانى من ال( قناع )وارتداء الاشخاص لبعض الاقنعه ليظهروا بصوره مختلفه جدا لا اعرف ماذا اصف هذا الفيديو ولكنه اعجبني كثيرا .. وهناك اغنيه اخري اسمها 1010 فنحن الاثنين لا نعرف سوي هذا الاسم الذي ربما نحيا ونموت ويظل هذا الاسم هو الوحيد لتلك الاغنيه المعروفه المجهوله فنحن حتي لا نعلم من يغنيها وظللنا نتخيل ملامحه وحركاته وكل شيء حتي انا فقد حفظتها وعشقتها وانا لا اعلم اسمها .. وقد عشفتها لسبب ان فيها ايضا شيء يذكرني بنفسي فانا احيانا امسك بالشيء فى يدي ولكنه ليس ملكي .. هناك ايضا اغنيه اسمها emotionless وهي تتحدث عن رجل فقد مشاعره وترك اولاده وهجرهم ويظل ولده طوال الاغنيه يبعث له بالرسائل .. وفى كل اغنيه من هذه الاغانى قصه .. ستسألوننى لماذا اختارت الاغاني هذه واغلبها او بمعني اخر اوضح كلهااا اغاني غربيه .. اقول لا يهمني كثيرا ولكن كل ما يهمني مدي قرب هذه الاغنيه من مشاعري ومدى تأثيرها في .. اما من الاغاني العربيه اغنيه قدمت على شاشه التلفزيون من " محمد باش " وهو شخص رقيق جدا شعرت برقته من صوته واغنيته التى تمسنى كثيراا ,, وايضا هناك اغنيه لساموزين ** عرفت معني الحب * واغانى ككثيره جدا اشعر وكأنني اقرأ قصه واتخيل اماكن بعينها .. فعلا قصه جوه اغنيه

مثل اى يوم عادى جدا ذهبت الى الجامعه ودخلت لاحضر محاضراتي مبتغيه العلم فقط لاغير .. مع بعض الصدقات التى تكاد ان تكون قليله جدا لا اعرف لماذا تقل صدقاتي .. هل هو شيء بداخلي . ام هل انا اعاني من مشكله ما فى تكوين الصدقات رغمم ان لدي القدره على اكتساب صداقه فى اقل من دقائق واعذروني على كلمه ( صداقه ) فانا اعرف انها تحتاج الى الكثير من الوقت لتحدث او اذ لم يكن وقت فاتحتاج لكثير من المواقف والتى تحدث ايضا مع الوقت .. ولكن اذا بي اقابل فتاه لتجعلنى اغير رأيي عن نفسي فهي قد اكسبتني صداقتها وثقتها ولا اعلم لماذا ؟ هل شيء فى وجههي يقول انى محل ثقه لتلك الفتاه؟ فسرعان ما اعتطني الكثير من المعلوماات عن حياتها ونظاام ونمط حياتها واين تسكن ومايحدث داخل اسرتها ؟ ولكن اذا بي اتعجبت فانا فتاه ايضا وربما فى يوم صادقت بعض الفتيات وكنت مثل تلك الفتاه التلى قابلتها .. ولا اعلم ماذااسمي ماكنت عليه .. فهذه الفتاه النقيه واقول نقيه لانها اعتطني ثقتها .. وجعلتنى اشعر انها افضل من فتيات كثيرات فانا بطبعي احب من يعطيني ثقته واحترمه كثيرا فاعطاء ثقتك لأحد يعني انه يحترمك .. ومن يحترمك يجب ان يقابل بالاحترام وانا اقدر ذلك كثيرا فهذه الفتاه غريبه او بما كانت غريبه منذل لحظات ولكنها فى نظري الان من اجمل الفتيات التى قابلتهم .. وقال لي صديق من قبل.. انى ربما اعاني من فوبيا الغرباء !! ولا اجد علاقه مماقاله وما فى الواقعربما لدي فوبيا الاغبياء او فوبيا الرخماء .؟؟او ربما فوبيا الغلساء !! فانا اتعامل مع الناس بطريقه هادئه او ربما سطحيه ولا اجد فى ذلك شيئا من الخطأ؟؟ واتعامل بعمق مع بعض الاشخاص ويضعون بصمات فى حياتى واضع اانا ايضا بصمات فى حياتهم .. وعلى ايه حال سأكمل كلامي فى وقت لاحق